ATƏT-İN BAKIDAKI NÜMAYƏNDƏLİYİ SAHİBKARLIĞIN İNKİŞAFI SAHƏSİNDƏ TƏŞƏBBÜS GÖSTƏRİR
ATƏT-in Azərbaycandakı nümayəndəliyinin başçısı Piter Burhadın ədliyyə naziri Fikrət Məmmədovla görüşündə sahibkarlığın inkişafı sahəsində ədliyyə orqanları qarşısında duran vəzifələrlə bağlı əməkdaşlıq imkanları müzakirə olunmuşdur.
Söhbət zamanı bildirilmişdir ki, sahibkarlığın inkişafını sürətləndirmək, ona mane olan halları aradan qaldırmaq məqsədi ilə Azərbaycan Prezidenti Heydər Əliyevin son vaxtlar imzaladığı sənədlər iş adamlarının fəaliyyəti üçün əlverişli şərait yaratmışdır.
Sahibkarlığa dövlət himayəsi, o cümlədən bu sahədə ədliyyə orqanlarının üzərinə düşən vəzifələrin icrası ilə bağlı həyata keçirilən tədbirlər və ölkəmizdə aparılan məhkəmə-hüquq islahatı barədə qonağa ətraflı məlumat verən nazir, F.Məmmədov sahibkarlığın inkişafı üzrə beynəlxalq təşkilatlarla əməkdaşlığın əhəmiyyətini vurğulamış, ATƏT-in Bakı ofisinin təşəbbüsünü yüksək qiymətləndirmişdir.
Azərbaycanda həyata keçirilən demokratik islahatlardan və sahibkarlığın inkişafı sahəsində görülən tədbirlərdən məmnun qaldığını söyləyən qonaq, bu sahədə əməkdaşlıq üzrə konkret təkliflərini bildirmiş və bunların ətrafında müzakirələr aparılmışdır.
Bölmənin digər xəbərləri
