Avropa çempionatı: Günay Məmmədzadə turnir cədvəlinin lideri ilə mübarizə aparacaq
Bakı, 13 avqust, AZƏRTAC
Bu gün Rumıniyanın Yassa şəhərində şahmat üzrə qadınlar arasında Avropa çempionatının beşinci turunun oyunları keçiriləcək.
AZƏRTAC xəbər verir ki, Azərbaycanın ən güclü qadın şahmatçısı Günay Məmmədzadə turnir cədvəlinin lideri rumıniyalı İrina Bulmaqa ilə mübarizə aparacaq.
Gövhər Beydullayeva rusiyalı Leya Qarifullina, Gülnar Məmmədova Xəyalə Abdulla, Xanım Balacayeva serbiyalı Jovana Erik, Türkan Məmmədyarova yunanıstanlı Yekaterina Pavlidou, Ülviyyə Fətəliyeva Viktoriya Radeva (Avropa Şahmat İttifaqı), Zeynəb Məmmədyarova rumıniyalı Andreea-Marioara Cosman, Nəsrin Babayeva avstriyalı Denise Trippold, Ayan Allahverdiyeva rumıniyalı Pancu Aureliana-Eugenia ilə oynayacaq.
Qeyd edək ki, dörd turdan sonra G.Məmmədzadə 3,5, G.Beydullayeva 3, Ü.Fətəliyeva, G.Məmmədova, X.Balacayeva, X.Abdulla 2,5, Türkan və Zeynəb Məmmədyarovalar 2, A.Allahverdiyeva və N.Babayeva 1 xal qazanıblar.
Qitə birinciliyi avqustun 21-dək davam edəcək. Yarışın ümumi mükafat fondu 60 min avro təşkil edir.
Bölmənin digər xəbərləri
