Avropa İttifaqı “Apple” və “Meta”şirkətlərini 700 milyon avro məbləğində cərimələyib
Berlin, 23 aprel, AZƏRTAC
Avropa İttifaqı (Aİ) ABŞ-ın texnologiya nəhəngləri “Apple” və “Meta” şirkətlərini müvafiq olaraq 500 milyon və 200 milyon avro məbləğində cərimələyib.
AZƏRTAC alman mediasına istinadla xəbər verir ki, Avropa Komissiyası bu qərarı hər iki şirkətin Avropanın rəqəmsal qanunvericiliyini pozması ilə əsaslandırıb. Komissiyanın məlumatına görə, həmin şirkətlər konkret olaraq “Rəqəmsal bazarlar qanunu”na (DMA) zidd hərəkət ediblər.
“Apple” bu qərara qarşı məhkəmə iddiası qaldıracağını bəyan edib.
Qeyd edək ki, bu qanun Avropanın rəqəmsal bazarında dominant mövqeyə malik şirkətlərin digər rəqibləri sıxışdırmasının qarşısı alınmasını nəzərdə tutur. Avropa Komissiyası “Rəqəmsal bazarlar qanunu” çərçivəsində ilk dəfə cərimə tətbiq edir.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
