AVROPA İTTİFAQI ENERJİ SAHƏSİNDƏ AZƏRBAYCANLAƏMƏKDAŞLIQDA MARAQLIDIR
Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində Azərbaycan Prezidenti İlham Əliyev və Ermənistan Prezidenti Robert Koçaryanın Parisdə keçirilmiş görüşü haqqında məlumat verən nazir E.Məmmədyarov, münaqişənin həlli ilə bağlı dövlətimizin rəsmi mövqeyini bildirmiş, ölkə rəhbərliyinin münaqişənin beynəlxalq hüququn norma və prinsipləri əsasında, respublikamızın ərazi bütövlüyünə və Konstitusiyasına uyğun həllinə tərəfdar olduğunu diqqətə çatdırmışdır.
Münaqişənin sülh yolu ilə aradan qaldırılmasına yönəlmiş səyləri dəstəklədiyini vurğulayan xanım Benita Ferrero-Valdner, problemin həllindən sonra Avropa İttifaqının bərpa işlərində yaxından iştiraka hazır olduğunu bildirmişdir.
Nazir E.Məmmədyarov ölkəmizin Avratlantik strukturlara inteqrasiyada maraqlı olduğunu qeyd etmiş, Avropa Qonşuluq Siyasəti çərçivəsində hazırlanan Fəaliyyət Planının qəbul olunmasının münasibətlərin möhkəmlənməsində əhəmiyyətli rol oynayacağını, həmin əlaqələrin bundan sonra da sürətlə inkişaf edəcəyinə əmin olduğunu söyləmişdir.
Görüşdə Ermənistan-Azərbaycan, Dağlıq Qarabağ münaqişəsinin nizama salınmasına dair danışıqların inkişafı, enerjidaşıyıcılarının Azərbaycandan Avropaya nəqli, enerji təhlükəsizliyi, ölkəmizdə və ümumiyyətlə, Avropada “quş qripi”nin yayılmasının qarşısının alınması məqsədi ilə əməkdaşlıq imkanları barədə fikir mübadiləsi aparılmışdır.
X X X
Görüşdən sonra Elmar Məmmədyarov və xanım Benita Ferrero-Valdner mətbuat konfransı keçirmişlər.
Elmar Məmmədyarov görüşdə müzakirə olunan məsələlər barədə məlumat vermiş, Ermənistan-Azərbaycan, Dağlıq Qarabağ münaqişəsi, Avropa Qonşuluq Siyasəti çərçivəsində Azərbaycan üzrə Fəaliyyət Planının hazırlanması, enerji təhlükəsizliyi məslələrinə toxunulduğunu diqqətə çatdırmışdır. O, fevralın 24-25-də Bakıda Avropa ölkələri nümayəndələrinin iştirakı ilə enerji məsələlərinə həsr olunan konfransın keçiriləcəyini açıqlamışdır.
Xanım Benita Ferrero-Valdner Azərbaycanın Avropa Qonşuluq Siyasətinə qoşulmasının ölkəmizlə əlaqələrdə yeni səhifə açdığını diqqətə çatdırmış, Avropa İttifaqı ilə əməkdaşlığın respublikamız üçün faydalı olacağını qeyd etmişdir.
Ermənistan-Azərbaycan, Dağlıq Qarabağ münaqişəsinin sülh yolu ilə həllinə yönəlmiş səyləri dəstəklədiyini bildirən komissar təmsil etdiyi qurumun münaqişənin həllindən sonra bərpa işlərinə yardım etməyə hazır olduğunu vurğulamışdır.
Xanım Benita Ferrero-Valdner Avropa İttifaqının enerji sahəsində Azərbaycanla əməkdaşlıqda maraqlı olduğunu demişdir.
Bölmənin digər xəbərləri
