Avropa İttifaqı ilə Azərbaycan arasında sazişin hazırlanması üçün ən qısa vaxtda danışıqlara başlanılacaq
Bakı, 6 fevral, Əsəd Məmmədov, AZƏRTAC
Avropa İttifaqı ilə Azərbaycan Respublikası arasında hərtərəfli əməkdaşlığa dair sazişin hazırlanması və bu istiqamətdə danışıqların aparılması üçün tərəflərin nümayəndə heyətlərinin tərkibi formalaşdırılıb və ən qısa vaxtda danışıqlara başlanılacaq.
Bu barədə AZƏRTAC-a açıqlamasında Xarici İşlər Nazirliyinin mətbuat xidmətinin rəhbəri Hikmət Hacıyev məlumat verib.
Xatırladaq ki, 2016-cı ilin noyabrın 14-də Avropa İttifaqı Şurası tərəfindən Azərbaycan Respublikası ilə hərtərəfli razılaşmanın hazırlanması üzrə danışıqların aparılması üçün Avropa Komissiyasına və Avropa İttifaqının xarici məsələlər və təhlükəsizlik siyasəti üzrə ali nümayəndəsi Federiko Moqeriniyə mandat verilmişdi.
Bölmənin digər xəbərləri
