Avropa Liqası: ”Beşiktaş” mübarizəni dayandırıb
Bakı, 1 avqust, AZƏRTAC
UEFA Avropa Liqasında II təsnifat mərhələsinin cavab oyunlarına start verilib.
AZƏRTAC xəbər verir ki, Türkiyə təmsilçisi “Beşiktaş” səfərdə Arda Turanın başçılıq etdiyi Ukrayna “Şaxtyor”u ilə üz-üzə gəlib.
Polşanın Krakov şəhərində keçirilən görüş Donetsk klubunun 2:0 hesablı qələbəsi ilə yekunlaşıb.
Komandalar arasında ilk matçda “Şaxtyor” 4:2 hesabı ilə qalib gəlmişdi. Bununla da ukraynalılar növbəti mərhələyə vəsiqə qazanıblar. "Beşiktaş" isə yoluna Konfrans Liqasında davam edəcək.
Bölmənin digər xəbərləri
