AVROPA ŞURASININ GÜRCÜSTANDAKI NÜMAYƏNDƏSİ FƏALİYYƏTİNİ ƏVVƏLKİ MANDATLA DAVAM ETDİRİR
AZƏRTAC-ın xüsusi müxbiri xəbər verir ki, Gürcüstan Prezidenti Mixail Saakaşvili Avropa Şurasının nümayəndəsi Plamen Nikolovu Acarıstanda baş verən hadisələrlə bağlı həmin təşkilata yalan məlumat verdiyinə görə təqsirləndirmiş, Xarici İşlər Nazirliyi Strasburqa onun geri çağırılması xahişi ilə müraciət etmişdir.
P.Nikolov isə Avropa Şurasının baş katibi Valter Şvimmerin tapşırığı ilə fəaliyyətini əvvəlki mandatla davam etdirdiyini və onun Gürcüstandan geri çağırılması barədə Avropa Şurasında heç bir rəsmi sənəd olmadığını bildirmişdir. Valter Şvimmer də bu söhbəti bitmiş sayır. Bunu Strasburqda səfərdə olan Gürcüstan parlamentinin sədri Nino Burcanadze təsdiqləmişdir.
Bölmənin digər xəbərləri
