AVROPAYA NEFT VƏ QAZIN NƏQLİ ÜÇÜN YENİ YOLLAR AXTARILIR
AZƏRTAC-ın xüsusi müxbiri xəbər verir ki, Qazaxıstanda işgüzar səfərdə olan Avropa Komissiyasının Şərqi Avropa, Qafqaz və Mərkəzi Asiya ölkələri üzrə direktoru Qyu Minqarelli Astanada keçirdiyi mətbuat konfransında bildirmişdir ki, Mərkəzi Asiya və Xəzər regionundan Avropaya yeni neft və qaz xəttlərinin çəkilişi zamanı Avropa Birliyi region ölkələrinin geosiyasi vəziyyətini və maraqlarını nəzərə alacaqdır.
Onun sözlərinə görə, indi Xəzəryanı ölkələrdə Transxəzər qaz kəmərinin çəkilməsi layihəsi qızğın müzakirə olunur. Əgər bu haqda Xəzəryanı ölkələr yekdil bir qərar qəbul etsə, ondan sonra bu ölkələrlə məsləhətləşmələr aparmağı nəzərdə tuturuq.
Avropa Birliyinin Xəzər regionunun neft-qaz sahəsinə sərmayə qoyuluşunu artırmağa çalışdığı da bildirilmişdir.
Bölmənin digər xəbərləri
