Avstriyalı təmsilçi: İdman artıq həyatımın tərkib hissəsinə çevrilib
Bakı, 25 iyul, AZƏRTAC
Mən atletikayla 5 yaşımdan məşğul oluram. Bu zaman ərzində bir müddət basketbol oynasam da, son illər bütün diqqətimi atletikaya yönəltmişəm. İndi mən həftədə beş gün məşq edirəm.
Bu sözləri AZƏRTAC-a müsahibəsində “EYOF Bakı 2019” XV Avropa Gənclər Olimpiya Festivalının atletika yarışlarının oğlanlar arasında uzunluğa tullanma üzrə qızıl medal mükafatçısı, avstriyalı Oluvatosin Ayodeji deyib.
“EYOF 2019 üçün mən çox ciddi hazırlaşmışam. Əvvəllər yalnız Avstriyada ölkə birinciliyində iştirak etmişəm, ancaq belə bir səviyyəli festivalda təmsil olunmağım ilk dəfədir. İdman mənim üçün həyatda ehtiyac duyduğum bir şeydir. Başqalarını deyə bilmərəm, ancaq mənim tullanmaq çox xoşuma gəlir. İdman artıq həyatımın tərkib hissəsinə çevrilib”, - deyə idmançı bildirib.
Xatırladaq ki, atletika yarışları iyulun 27-də başa çatır.
Bölmənin digər xəbərləri
