“AvtoVAZ” yeni avtomobil modeli yarada bilər
Bakı, 16 dekabr, AZƏRTAC
“AvtoVAZ” 2024-cü ildə Rusiya bazarına yeni avtomobil modeli ilə çıxa bilər.
AZƏRTAC “Rossiyskaya qazeta”ya istinadla xəbər verir ki, bu fikirləri şirkətin başçısı Maksim Sokolov bildirib.
“Bildiyim qədər, zavod Sankt-Peterburqda işləyir. Hətta Yeni il bayramlarında da fəaliyyət göstərəcək. “X-Cross 5” (yaxud digər “X”) orada istehsal olunub və bundan sonra da istehsal olunacaq. Bu, o deməkdir ki, satılacaq da. Məqsəd müştəri məmnuniyyətidir. Ehtimal ki, biz gələn il yeni brendlə, yeni model çeşidi ilə çıxacağıq”, - deyə nəşr M.Sokolovun “Lada” zavodunun Sankt-Peterburqda fəaliyyəti barədə suala cavabından sitat gətirir.
Bundan əvvəl məlum olmuşdu ki, “AvtoVAZ” İjevskdəki zavodda “Lada Largus” elektrik modifikasiyasının istehsalına başlayır. Birinci partiyadan olan “30 e-Largus”dan sınaqlarda və sertifikatlaşdırılmada istifadə etmək planlaşdırılır. Benzinlə işləyən versiyası da daxil olmaqla, “Lada Largus”un kütləvi buraxılışı İjevskdə 2024-cü ilin mayına nəzərdə tutulur.
Bölmənin digər xəbərləri
