AZƏRBAYCAN-ABŞ BİRGƏ QRANTLAR PROQRAMININ NƏTİCƏLƏRİ BƏLLİ OLDU
AZƏRTAC-ın müxbiri xəbər verir ki, həmin proqram çərçivəsində Azərbaycan-Amerika Birləşmiş Ştatları birgə tədqiqatçılar qruplarının hazırladığı 57 elmi layihə bu müsabiqəyə təqdim edilmiş və onlardan səkkizi seçilərək 280 min, ayrılıqda isə hər bir layihə 35 min ABŞ dolları məbləğində qrant vəsaitinə layiq görülmüşdür. Həmin məbləğin 80 faizi azərbaycanlı tədqiqatçılara veriləcəkdir.
Seçilmiş layihələr Azərbaycan Milli Elmlər Akademiyasının ayrı-ayrı institutlarının və ABŞ-ın alimləri tərəfindən hazırlanmışdır. Qrantları ABŞ dövlət departamenti Azərbaycana elm və texniki yardım proqramı çərçivəsində ayırmışdır.
Bölmənin digər xəbərləri
