Azərbaycan Basketbol Liqasında müntəzəm mövsüm yekunlaşıb
Bakı, 6 aprel, AZƏRTAC
Azərbaycan Basketbol Liqasında XX - sonuncu turun oyunları baş tutub.
AZƏRTAC xəbər verir ki, "Lənkəran" "Şəki"yə 78-107, "Quba" "Ordu"ya 88-97, "Abşeron" "Neftçi"yə 77-85 hesabı ilə uduzub, "Sərhədçi" NTD-ni 103-77, "Sabah" "Naxçıvan"ı 111-89, "Gəncə" "Sumqayıt"ı 94-92 hesabı ilə üstələyib.
Bu nəticələrdən sonra "A" qrupunun lideri "Sabah", ikinci sıranın sahibi "Naxçıvan" və qrupun ən güclü 3-cü komandası "Neftçi" birbaşa pley-offa vəsiqəni təmin ediblər. Adıçəkilən klublarla yanaşı, "B" qrupunu ilk pillədə bitirmiş "Şəki" klubu da, birbaşa pley-off mərhələsinə yüksəlib. Reqlamentə əsasən digər klublar isə mübarizəyə pley-in mərhələsindən start verəcəklər. Pley-in cütlükləri: "Sumqayıt"-"Sərhədçi", "Gəncə"-"Lənkəran", "Ordu"-"Quba" və "Abşeron"-NTD.
Qeyd edək ki, aprelin 10-da start götürəcək pley-in mərhələsində ən tez iki qələbə qazanmış klublar pley-offa vəsiqə qazanacaqlar.
Bölmənin digər xəbərləri
