AZƏRBAYCAN BOKSÇULARI DÜNYA ÇEMPİONATINDA ÇIXIŞLARINI BAŞA VURMUŞLAR
Bakı, 7 sentyabr (AZƏRTAC). Sentyabrın 6-sı Azərbaycan yığmasının Milanda keçirilən boks üzrə dünya çempionatında iştirakının sonuncu günü olmuşdur. Boks həvəskarlarımızı sevindirə biləcək Azərbaycan yığma komandasının sonuncu ümidi olan Elçin Əlizadə (91 kq) Avropa çempionu, rusiyalı Yeqor Mexontsevlə qarşılaşmada 10:0 hesabı ilə məğlub olmuşdur.
On altıda bir final mərhələsində Emil Məhərrəmov (69 kq) ikiqat dünya çempionu, qazaxıstanlı Serik Sapiyevlə qarşılaşmışdır. Qazaxıstan nümayəndəsi E.Məhərrəmova qalib gəlmişdir.
Dünya çempionatında iştirak edən Azərbaycanın 10 boksçusundan 8-i elə ilk döyüşdə məğlub olmuşdur.
Bölmənin digər xəbərləri
