AZƏRBAYCAN DİASPORUNUN YIĞMASI TURNİRİN QALİBİ OLMUŞDUR
AZƏRTAC xəbər verir ki, Arxangelskdəki Azərbaycan diasporunun yığma komandası “Vahid Rusiya” Partiyasının himayəsi ilə keçirilən diasporlararası mini-futbol turnirinin qalibi olmuşdur. Turnirdə Azərbaycan, Gürcüstan, Nigeriya, Peru, Çeçenistan və “Vahid Rusiya” Partiyasının komandaları iştirak etmişlər.
Artıq beşinci ildir keçirilən turnirin təşkilatçılarının fikrincə, belə tədbirlər müxtəlif diasporlar arasında ünsiyyətin yaranmasına və onların yaxınlaşmasına kömək edir. Yarışların əsas xüsusiyyəti burada müxtəlif yaşlı idmançıların oynaya bilməsidir. Məsələn, Çeçenistan yığmasının qapısını 60 yaşlı oyunçu qoruyurdu.
Bölmənin digər xəbərləri
