AZƏRBAYCAN GÜLƏŞÇİLƏRİ DANİMARKADA KEÇİRİLƏCƏK DÜNYA ÇEMPİONATINDA İŞTİRAK EDƏCƏKLƏR
Bakı, 14 sentyabr (AZƏRTAC). Sentyabrın 14-də Tofiq Bəhramov adına respublika stadionunda Azərbaycan Güləş Federasiyası rəhbərliyinin Danimarkada keçiriləcək yunan-Roma güləşi üzrə yığma komandamızın üzvləri və məşqçi heyəti ilə görüşü olmuşdur.
Federasiyanın birinci vitse-prezidenti Namiq Əliyev yığmamızın dünya çempionatına hazırlığı çərçicəsində keçirdiyi təlim-məşq toplanışını yüksək qiymətləndirmişdir. O, idmançıların federasiya tərəfindən gələcəkdə də diqqət və qayğı ilə əhatə olunacağını bildirmişdir. Komandada adlı-sanlı olimpiya, dünya və Avropa birincilikləri qaliblərinin toplaşdığını bildirən N.Əliyev demişdir ki, onların qarşısında duran başlıca vəzifə qarşıdakı mötəbər yarışda Azərbaycanın idman şərəfini layiqincə qorumaq, Vətənə medallarla qayıtmaqdır.
Sonda N.Əliyev dünya çempionatına yola düşəcək güləşçilərimizə uğurlar diləmişdir.
Xatırladaq ki, Azərbaycan güləşçiləri sentyabrın 21-dən 27-dək Danimarkanın Herninq şəhərində keçiriləcək dünya çempionatında iştirak edəcəklər.
Bölmənin digər xəbərləri
