AZƏRBAYCAN HƏNDBOLÇULARININ AVROPA ÇEMPİONATINDA KEÇİRƏCƏYİ GÖRÜŞLƏRİN TƏQVİMİ MƏLUM OLMUŞDUR
Bakı, 17 sentyabr (AZƏRTAC). Azərbaycanın qadın həndbolçulardan ibarət yığma komandasının Avropa çempionatının seçmə mərhələsində ilk rəqibi İsveç millisi olacaqdır.
İlk görüşünü oktyabrın 15-də səfərdə keçirəcək yığmamız üç gün sonra Bakıda Macarıstan komandası ilə qarşılaşacaqdır.
Bundan sonra, yığmamız 2010-cu ilin martın 31-i və ya aprelin 1-də Bakıda, aprelin 3-ü və ya 4-də isə səfərdə Çexiya millisi ilə qarşılaşacaqdır.
Mayın 26-sı və ya 27-də isə Azərbaycan həndbolçuları İsveç komandasını qəbul edəcəklər.
Nəhayət, yığmamız son görüşünü mayın 29-da və ya 30-da səfərdə Macarıstan kollektivinə qarşı keçirəcəkdir.
Bölmənin digər xəbərləri
