AZƏRBAYCAN, MACARISTAN VƏ ALMANİYA SƏRHƏD XİDMƏTLƏRİ RƏHBƏRLƏRİNİN MƏTBUAT KONFRANSI

28.09.2006 [20:54]
Çap et
A⁺ A^-

AZƏRTAC xəbər verir ki, sentyabrın 28-də “Excelsior” mehmanxanasında Sərhəd Məsələləri üzrə Beynəlxalq Konfransın sərhəd xidmətləri rəhbərlərinin işçi qrupunun növbəti iclasının iştirakçıları -Azərbaycan Respublikası Dövlət Sərhəd Xidmətinin rəisi, general-leytenant Elçin Quliyev, Macarıstan Sərhəd Mühafizəsinin Sərhəd Siyasəti Məsələləri üzrə baş direktoru, general-mayor İştvan Şamu, AFR Federal Sərhəd Polisinin baş inspektoru Udo Burkxolder yerli və xarici KİV nümayəndələri üçün mətbuat konfransı keçirmişlər.

Elçin Quliyev “Şiofok konfransı” kimi tanınan Beynəlxalq Konfransın sərhəd xidmətləri rəhbərlərinin işçi qrupunun Bakıda iki gün davam etmiş iclası barədə məlumat vermişdir. O, iclasın işini işıqlandırmış mətbuat nümayəndələrinə təşəkkür etməyi də unutmamışdır.

Elçin Quliyev, İştvan Şamu, Udo Burkxolder jurnalistlərin iclasda müzakirə olunmuş məsələlər, Azərbaycan-İran sərhədinin Ermənistan silahlı qüvvələrinin işğalı altında olan hissəsi, Almaniya və Macarıstanın sərhəd xidmətləri ilə əlaqələrin mövcud vəziyyəti, nəzarətsiz sərhədlərin Avropada narahatlıq doğurub-doğurmaması, Xəzər hövzəsinin mühafizəsi ilə bağlı və başqa suallara cavab vermişlər.

AZƏRBAYCAN, MACARISTAN VƏ ALMANİYA SƏRHƏD XİDMƏTLƏRİ RƏHBƏRLƏRİNİN MƏTBUAT KONFRANSI

MÜƏLLİFLƏ ƏLAQƏ

Bölmənin digər xəbərləri