Azərbaycan Premyer Liqası: “Qəbələ” – “Kəpəz” oyunu heç-heçə yekunlaşıb
Bakı, 22 oktyabr, AZƏRTAC
Futbol üzrə Azərbaycan Premyer Liqasında XI turun daha bir oyunu keçirilib.
AZƏRTAC xəbər verir ki, günün ilk matçında “Qəbələ” klubu “Kəpəz”i qəbul edib.
Qəbələ şəhər stadionunda oynanılan qarşılaşma 1:1 hesabı ilə başa çatıb. Meydan sahiblərinin heyətində İsnik Alimi, rəqib komandadan isə Fərid Nəbiyev fərqləniblər.
Xallarının sayını 17-yə çatdıran "Qəbələ" turnir cədvəlində 4-cü pillədə qərarlaşıb. Hesabında 5 xal olan “Kəpəz” isə səkkizincidir.
Qeyd edək ki, günün digər görüşündə "Sumqayıt" "Zirə" ilə üz-üzə gələcək. Tura oktyabrın 23-də "Səbail" - "Şamaxı" və "Neftçi" - "Sabah" qarşılaşmaları ilə yekun vurulacaq.
Bölmənin digər xəbərləri
