AZƏRBAYCAN RABİTƏÇİLƏRİ ÇXR-DƏ OLMUŞLAR
Respublikanın rabitə naziri Nadir Əhmədovun başçılığı ilə nümayəndə heyəti Çinin “Hyuvey Texnolocis” şirkətinin dəvəti ilə dekabrın 2-dən 7-dək bu ölkədə səfərdə olmuşdur.
Nümayəndə heyəti Honkonqda keçirilmiş “Asiya Telekom-2002” beynəlxalq sərgisində iştirak etmişdir. Dünyanın 127 ölkəsindən 21 mindən çox nümayəndənin təmsil olunduğu sərgidə telekommunikasiya şəbəkələri və texnologiyaları sahəsində aparıcı istehsalçıların məhsul və xidmətləri, fibrooptik rabitə sahəsində son nailiyyətlər nümayiş etdirilmişdir.
Azərbaycan nümayəndə heyəti səfər zamanı “Hyuvey Texnolocis” şirkətinin müəssisələrində, habelə baş ofisində olmuş, şirkətin mütəxəssisləri və rəhbərliyi ilə danışıqlar aparmışdır. Çinli həmkarlarla görüşlər zamanı Azərbaycanda telekommunikasiyanın və telekommunikasiya xidmətlərinin modernləşdirilməsi və inkişafı, habelə ölkəmizin rabitə sisteminə son texnoıloji nailiyyətlərin tətbiq edilməsi məsələləri müzakirə olunmuşdur.
Çinli rabitəçilər Azərbaycanın telekommunikasiyalar və müasir rabitə texnologiyaları bazarının inkişkafına köməklik göstərməyə hazır olduqlarını bildirmişlər.
Bölmənin digər xəbərləri
