AZƏRBAYCAN ŞAHMATÇILARI ALMANİYADA BEYNƏLXALQ TURNİRDƏ İŞTİRAK EDƏCƏKLƏR
Bakı, 31 iyul (AZƏRTAC). Avqustun 1-2-də Almaniyanın Maynts şəhərində şahmat üzrə “ORDİX Open” turniri start götürəcəkdir.
Rapid turnirdə azərbaycanlı qrossmeysterlər Vüqar Həşimov və Şəhriyar Məmmədyarovla yanaşı, Aleksandr Qrişuk, Rüstəm Kasımcanov, Etyen Bakro, Qata Kamski, Nikaro Nakamuro, Vladimir Akopyan, David Navara, Vladimir Malaxov və digər tanınmış şahmatçılar iştirak edəcəklər.
Nüfuzlu turnirin reytinq favoriti beynəlxalq qrossmeyster Vüqar Həşimov (2740) hesab edilir. Ş.Məmmədyarov (2717) bu sırada 5-ci yerdədir.
İkigünlük yarışda 615 şahmatçı mübarizə aparacaqdır.
Bölmənin digər xəbərləri
