İDMAN
AZƏRBAYCAN ŞAHMATÇILARI QİTƏ BİRİNCİLİYİNDƏ UĞURLU START GÖTÜRMÜŞLƏR
Bakı, 1 sentyabr (AZƏRTAC). İtaliyanın Fermo şəhərində keçirilən 10, 12, 14, 16 və 18 yaşlı oğlan və qızlar arasında şahmat üzrə Avropa cempionatında 1 tur oynanılmışdır.
İlk tur Azərbaycan şahmatçılarının əksəriyyəti üçün uğurlu olmuşdur. Belə ki, 18 yaş qrupunda mübarizə aparan Vüqar Rəsulov, Ayaz Məmmədov və Gülnar Məmmədova, 16 yaşlılarda Zaur Məmmədov, Orxan Hüseyn, Nərmin Xələfova və Xəyalə Abdulla, 14 yaşlılarda Nurlan Şabanov, Ülviyyə Fətəliyeva və Səbinə İbrahimova, 12 yaşlılarda Elxan Bayramov, Ülvi Sadıxov, Xatun Bağırova və Aytən Əmrayeva, 10 yaşlılarda isə Zaur Abbasov, Şəmşəd Axundov, Günay Məmmədzadə və Aydan Höcətova ilk görüşlərini qələbə ilə başa vuraraq aktivlərinə 1 xal yazmışlar.
Xatırladaq ki, ölkəmizi qitə birinciliyində 28 şahmatçı təmsil edir.
Yarışa sentyabrın 9-da yekun vurulacaqdır.