Azərbaycan şirkətlərinin Latviyanın Valka şəhərində fəaliyyət perspektivləri müzakirə olunub
Valka, 29 aprel, AZƏRTAC
Azərbaycanın Latviyadakı səfiri Cavanşir Axundov Valka şəhərinin meri Vends Armands Kraklisin dəvəti ilə bu şəhərə səfər edib.
AZƏRTAC xəbər verir ki, Valka şəhərinə ilboyu turist axınının olması və alıcılıq qabiliyyətinin də yüksəkliyinin nəzərə alınaraq, Azərbaycan şirkətlərinin də Valka bazarlarında təmsil olunmasının məqsədəuyğunluğu əsas müzakirə mövzusu olub.
Görüş zamanı V.A.Kraklis Valka şəhərinin iqtisadiyyatı və beynəlxalq əməkdaşlıq imkanları barədə səfir C.Axundova məlumat verib. Valka şəhərinin Estoniya ilə sərhəddə yerləşməklə əlverişli coğrafi mövqeyə, tranzit-ticarət və regional bazarlara çıxış imkanlarına malik olduğunu qeyd edən mer son illərdə Valkaya turist axınının da artdığını bildirib.
Aygün Əliyeva
AZƏRTAC-ın xüsusi müxbiri
Valka
Bölmənin digər xəbərləri
