AZƏRBAYCAN TƏLƏBƏLƏRİ QAHİRƏDƏ KEÇİRİLƏN IV “XALQLAR GÜNÜ” SƏRGİSİNDƏ BİRİNCİ YERİ TUTMUŞLAR
Misirdə təhsil alan tələbələrimiz sərgidə Azərbaycanın dövlət atributlarını, ümummilli liderimiz Heydər Əliyevin və Prezident İlham Əliyevin müxtəlif ölkələrə səfərlərini əks etdirən şəkillərini, milli geyimlərimizi, xalça nümunələrini, respublikamızın turizm yerlərinin fotoşəkillərini, habelə erməni millətçilərinin xalqımıza qarşı zaman-zaman törətdikləri soyqırımı və terror aktlarına, Ermənistanın işğalı altında olan Azərbaycan ərazilərinə dair ərəb və ingilis dillərində 40-a yaxın kitab nümayiş etdirmişlər.
Festivalın davam etdiyi günlərdə tələbələrimiz iştirakçılara ölkəmiz haqqında, Ermənistanın işğalçılıq siyasəti barədə məlumat verməklə yanaşı, müxtəlif broşürlər və kitablar, həmçinin Azərbaycanın Misirdəki səfirliyinin hazırladığı xüsusi DVD-lər paylamışlar.
Sonda “Firon kəndi” istirahət zonasının rəhbərliyi tərəfindən festival iştirakçılarına mükafatlar və hədiyyələr təqdim olunmuşdur. Azərbaycan gəncləri daha fəal olduqlarına görə I yerə layiq görülmüşlər.
Misirin “Nil” televiziya kanalı sərgini işıqlandırmışdır.
Bölmənin digər xəbərləri
