Azərbaycan Turizm Assosiasiyasının təşkilatçılığı ilə bələdçi kursları təşkil olunacaq
Bakı, 28 mart, AZƏRTAC
Azərbaycan Turizm Assosiasiyasının təşkilatçılığı ilə “Baku Guide Service”in tərkibində bələdçi kursları fəaliyyətə başlayacaq.
Assosiasiyadan AZƏRTAC-a bildiriblər ki, kursun məqsədi yeni və peşəkar bələdçilərin hazırlanması, bələdçilərin peşəkarlıq səviyyəsinin artırılması və bununla da turistlərə daha yüksək səviyyədə xidmət göstərilməsinin təmin olunmasıdır.
Tədris materialları Azərbaycan və rus dillərində təmin olunacaq. Üç ay davam edəcək kurslar ödənişlidir.
Kursda iştirak etmək istəyənlər aprelin 20-dək assosiasiyanın ofisinə müraciət edə bilərlər.
Bölmənin digər xəbərləri
