Azərbaycan Turizm İnstitutunun ekspert qrupu Almaniyada səfərdədir
Bakı, 11 mart (AZƏRTAC). Azərbaycan Turizm İnstitutunun (ATİ) rektoru, professor Cəfər Cəfərovun rəhbərliyi ilə institutun ekspert qrupu Almaniyaya getmişdir.
ATİ-dən AZƏRTAC-a bildirmişlər ki, martın 13-dək davam edəcək səfərin məqsədi Almaniyanın Yade Universiteti ilə birgə Azərbaycanın qərb bölgəsində “Turizmdə geoinformasiya sistemlərinin tətbiqi” layihəsini hazırlamaqdır.
Səfər çərçivəsində ekspert qrupu Almaniyanın Yade Universiteti, Elm Fondu və “Siemens” şirkətinin nümayəndələri ilə müxtəlif görüşlər keçirəcək, layihənin yekun mərhələsi ilə bağlı müzakirələr aparacaqdır. Layihə uğur qazanarsa, yaxın bir neçə ildə Azərbaycanın Gədəbəy rayonunda böyük turizm kompleksi inşa olunacaq, turizm marşrutları və “Siemens” muzeyi yaradılacaqdır.
Bölmənin digər xəbərləri
