Azərbaycan Turizm İnstitutunun nümayəndələri Şimali Kiprdə keçirilmiş seminar-təlimdə iştirak etmişlər
Bakı, 2 may (AZƏRTAC). Azərbaycan Turizm İnstitutunun (ATİ) “AMEAST” dağçılıq klubunun bir qrup üzvü və rektorun köməkçisi V.Xəlilov Şimali Kiprdə keçirilmiş II mülki müdafiə Beynəlxalq universitetlərarası axtarış-xilasetmə seminar-təlimində iştirak etmişlər.
ATİ-dən AZƏRTAC-a bildirmişlər ki, seminar-təlimdə Şimali Kipr universitetlərinin təqdimat filmləri nümayiş olunmuş, yerli mütəxəssislərin, həmçinin Almaniya, İndoneziya, Türkiyə, Böyük Britaniya, Avstraliya və Nepaldan olan alimlərin məruzələri dinlənilmişdir.
Seminar-təlimdə fəal iştirak edən ATİ-nin nümayəndələrinə sertifikatlar təqdim olunmuşdur.
Səfərin nəticəsi kimi “AMEAST” dağçılıq klubunun üzvləri axtarış-xilasetmə sahəsində böyük təcrübə qazanmaqla yanaşı, Şimali Kiprin zəngin təcrübəyə malik nüfuzlu universitetləri ilə əyani tanışlıq imkanı əldə etmiş, müxtəlif xarici ölkə universitetlərinin tələbələri ilə sıx münasibət qurmuşlar.
Bölmənin digər xəbərləri
