Azərbaycan Turizm İnstitutunun yeni korpusu inşa ediləcəkdir
Bakı, 22 fevral (AZƏRTAC). “Turizm ili” ilə bağlı Mədəniyyət və Turizm Nazirliyinin nəzdində yaradılmış işçi qrupunun hazırladığı tədbirlər siyahısına Azərbaycan Turizm İnstitutu (ATİ) ilə bağlı bir sıra məsələ də daxildir.
ATİ-dən AZƏRTAC-a bildirmişlər ki, görüləcək işlər sırasında institutun nəzdində yaradılacaq peşə məktəbinin formalaşması əsas vəzifələrdəndir. Artıq Təhsil Nazirliyi ilə əldə edilən razılaşmaya əsasən, paytaxtda fəaliyyət göstərən peşə məktəblərindən biri institutun tabeçiliyinə verilmişdir. Təkliflər paketinə daxil edilən ikinci əsas məsələ ATİ-nin əlavə bir korpusunun tikilməsi ilə əlaqədardır. Yaxın vaxtlarda bu istiqamətdə də işlərə başlanılacaqdır.
Bölmənin digər xəbərləri
