Azərbaycan və türk diaspor təşkilatları Parisdə piket keçirəcəklər
Bakı, 12 noyabr (AZƏRTAC). Ermənistan prezidenti Serj Sarkisyanın Fransaya nəzərdə tutulmuş səfərinə etiraz əlaməti olaraq Azərbaycanın diaspor nümayəndələri yaxın saatlarda Parisdə piket keçirəcəklər.
Bu barədə hazırda Fransada səfərdə olan, Dünya Azərbaycanlıları Konqresinin (DAK) həmsədri, Milli Məclisin deputatı Sabir Rüstəmxanlı məlumat vermişdir.
DAK-ın mətbuat xidmətindən AZƏRTAC-a bildirmişlər ki, Azərbaycan diaspor nümayəndələrinin etiraz aksiyasında Fransada və Avropanın digər şəhərlərində fəaliyyət göstərən türk diaspor təşkilatları da dəstək verəcəklər.
Bakı vaxtı ilə saat 18:00-da Ermənistanın Fransadakı səfirliyinin qarşısında keçiriləcək aksiyada Ermənistanın işğalçılıq siyasəti, ATƏT-in Minsk qrupunun həmsədri kimi Fransanın işğal faktını tanımaması və problemin ədalətli həllinə nail olmaq üçün heç bir addım atmaması pislənəcək, işğalçı Ermənistana göstərilən siyasi dəstəyə kəskin etiraz bildiriləcəkdir.
Bölmənin digər xəbərləri
