AZƏRBAYCAN YIĞMASI LAYİQ OLDUĞU GÜMÜŞ MEDALI QAZANDI
Bakı, 16 may (AZƏRTAC). Azərbaycan yığması bu gün gümüş medala layiq idi. Mən milli komandanızı bu uğur münasibətilə təbrik edirəm.
Bunu Bakıda bədii gimnastika üzrə keçirilən Avropa çempionatında komandaların mükafatlandırılması mərasimi başa çatdıqdan sonra Rusiya yığma komandasının baş məşqçisi İrina Viner mətbuat konfransında söyləmişdir. O demişdir ki, hesab edirəm ki, ikinci yer Azərbaycan yığmasının layiq olduğu nəticədir.
İ.Viner Azərbaycan gimnastlarının ünvanına da xoş sözlər işlətmişdir. “Bir neçə il əvvəl Dinara Gimatova yalnız C qrupunda yarışırdı. Gərgin məşqlər sayəsində o daha yüksək nəticələr qazandı. Bu gün isə D.Gimatova Aliyə Qarayevanı məşqçi qismində müşayiət edir. Mən Azərbaycan idmançılarını alqışlayıram”.
######
Bölmənin digər xəbərləri
