Azərbaycanda avqust ayına olan hava proqnozu açıqlanmışdır
Bakı, 30 iyul (AZƏRTAC). Avqust ayında havanın orta aylıq temperaturunun iqlim normasına yaxın, bəzi yerlərdə isə bir qədər yüksək olacağı gözlənilir. Aylıq yağıntının respublika üzrə miqdarı iqlim normasına yaxın, dağlıq və dağətəyi rayonlarda normadan bir qədər çox, bəzi yerlərdə isə normadan az olacağı ehtimal olunur.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a daxil olan məlumata görə, Bakıda və Abşeron yarımadasında orta aylıq temperaturun 26-28 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr 20-25, gündüzlər 30-35 dərəcə isti təşkil edəcək, ayrı-ayrı günlərdə temperatur 37-39 dərəcəyədək yüksələcəkdir. Aylıq yağıntının miqdarının iqlim normasına yaxın (norma 6-8 millimetr) olacağı gözlənilir.
Naxçıvan Muxtar Respublikasında orta aylıq temperaturun 26-28 dərəcə isti olacağı gözlənilir ki, bu da iqlim normasına yaxındır. Gecələr 19-24, gündüzlər 31-36 dərəcə isti təşkil edəcək, ayrı-ayrı günlərdə 38-41 dərəcəyədək yüksələcəkdir. Aylıq yağıntının miqdarının iqlim normasına yaxın (norma 6-10 mm) olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd; Qubadlı, Zəngilan, Laçın, Kəlbəcər, Daşkəsən və Gədəbəy rayonlarında orta aylıq temperaturun 18-20 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr 11-16, gündüzlər 21-26 dərəcə isti təşkil edəcək, ayrı-ayrı günlərdə 30-35 dərəcəyədək yüksələcəkdir. Aylıq yağıntının miqdarının iqlim normasına yaxın (norma 32-55 mm), bəzi yerlərdə isə bir qədər çox olacağı gözlənilir.
Qazax, Gəncə, Goranboy, Tərtər, Ağdam, Ağcabədi, Füzuli və Cəbrayıl rayonlarında orta aylıq temperaturun 25-27 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr 18-23, gündüzlər 29-34 dərəcə isti olacaq, ayrı-ayrı günlərdə 36-38 dərəcəyədək yüksələcəkdir. Aylıq yağıntının miqdarının iqlim normasına yaxın (norma 19-24 mm), bəzi yerlərdə isə bir qədər çox olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında orta aylıq temperaturun 23-26 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr 16-21, gündüzlər 27-32 dərəcə isti təşkil edəcək, ayrı-ayrı günlərdə 34-37 dərəcəyədək yüksələcəkdir. Aylıq yağıntının miqdarının iqlim normasına yaxın (norma 17-116 mm), bəzi yerlərdə isə bir qədər çox olacağı gözlənilir.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında orta aylıq temperaturun 26-28 dərəcə isti olacağı gözlənilir ki, bu da iqlim normasına yaxın və bir qədər yüksəkdir. Gecələr 20-25, gündüzlər 31-36 dərəcə isti olacaq, ayrı-ayrı günlərdə 38-41 dərəcəyədək yüksələcəkdir. Aylıq yağıntının miqdarının iqlim normasına yaxın (norma 6-22 mm), bəzi yerlərdə isə bir qədər çox olacağı gözlənilir.
Masallı, Lənkəran, Astara, Lerik və Yardımlı rayonlarında orta aylıq temperaturun 24-26 dərəcə isti olacağı gözlənilir ki, bu da iqlim normasına yaxındır. Gecələr 18-23, gündüzlər 28-33 dərəcə isti təşkil edəcək, ayrı-ayrı günlərdə 34-36 dərəcəyədək yüksələcəkdir. Aylıq yağıntının miqdarının iqlim normasına yaxın (norma 13-83 mm), bəzi yerlərdə isə bir qədər çox olacağı gözlənilir.
Bölmənin digər xəbərləri
