Azərbaycanda kənd təsərrüfatı məhsullarının istehsal həcmi 1,9 faiz artıb
Bakı, 24 aprel, AZƏRTAC
2025-ci ilin yanvar-mart ayları ərzində kənd təsərrüfatı məhsullarının ümumi istehsal həcmi ötən ilin müvafiq dövrü ilə müqayisədə 1,9 faiz artıb.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, ümumi istehsal həcminin artımında əsas pay heyvandarlıq sahəsinin payına düşür.
Kənd təsərrüfatı məhsullarının ümumi istehsal həcminin dəyəri faktiki qiymətlərlə 1601.6 milyon manat təşkil edib ki, bunun da 94,3 faizi (1510.1 milyon manat) heyvandarlıq sahəsinə, 5,7 faizi (91.5 milyon manat) bitkiçilik sahəsinə aiddir.
Bölmənin digər xəbərləri
