Azərbaycanın daha beş cüdoçusu Avropa çempionatında mübarizəyə başlayır

25.04.2025 [10:39]
Çap et
A⁺ A^-

Bakı, 25 aprel, AZƏRTAC

Bu gün Azərbaycanın daha beş cüdoçusu Monteneqronun paytaxtı Podqoritsada keçirilən Avropa çempionatında mübarizəyə başlayacaq.

AZƏRTAC xəbər verir ki, üçüncü yarış günündə kişilər arasında Zelim Tçkayev (81 kiloqram) Aurelien Bonferronini (İsveçrə), Ömər Rəcəbli (81 kiloqram) Con Vrenozi (Albaniya) / Eetu İhanamaki (Finlandiya) cütünün qalibini, Murad Fətiyev (90 kiloqram) Aleksander Sidoryiki (İJF) sınağa çəkəcək.

Qadınlarda isə Südabə Ağayeva (70 kiloqram) Adelina Novitzki (İsrail), Günel Həsənli (70 kiloqram) Anna Olinkorniko (Ukrayna) ilə qarşılaşacaq.

Görüşlər Bakı vaxtı ilə saat 12:30-da start götürəcək.

Qeyd edək ki, daha əvvəl Azərbaycan cüdoçularından Əhməd Yusifov (60 kiloqram) və Rəşid Məmmədəliyev (73 kiloqram) bürünc medal qazanıblar.

Avropa çempionatına aprelin 26-da yekun vurulacaq.