İDMAN
Azərbaycanın gənclər və idman naziri MINEPS VII çərçivəsində bir sıra görüşlər keçirib
Bakı, 28 iyun, AZƏRTAC
Azərbaycan Respublikasının gənclər və idman naziri Fərid Qayıbov Bakıda keçirilən Bədən Tərbiyəsi və İdman üzrə Nazirlərin və Yüksək Vəzifəli Şəxslərin VII Beynəlxalq Konfransı (MINEPS VII) çərçivəsində Türkiyənin gənclər və idman naziri Osman Aşkın ilə görüşüb.
Gənclər və İdman Nazirliyinin mətbuat xidmətindən AZƏRTAC-a bildiriblər ki, görüşdə iki qardaş ölkə arasında idman və gənclər sahəsində əməkdaşlığın gücləndirilməsi, yeni təşəbbüslərin dəstəklənməsi məsələləri müzakirə edilib.
Fərid Qayıbov Ekvadorun idman naziri Sebastian Palasios, nazirliyin Əməkdaşlıq və beynəlxalq əlaqələr departamentinin direktoru Karlos Alarkon Armendaris ilə də görüşüb. Görüşdə MINEPS VII tədbirinin Azərbaycanda yüksək səviyyədə təşkilinə, eləcə də konfrans çərçivəsində digər ölkələrin nümayəndələri ilə görüşlər keçirmək və müzakirələr aparmaq imkanına görə minnətdarlıq ifadə olunub.
Peru İdman İnstitutunun prezidenti Quido Flores Marcan ilə görüşdə iki ölkə arasında idman sahəsində əlaqələrin perspektivləri müzakirə edilib.
Fərid Qayıbov, həmçinin Avropa Parlamentinin üzvü, Yunanıstanın sabiq turizm naziri Elena Kundura ilə görüş keçirib. Görüşdə idman sahəsində beynəlxalq əməkdaşlıq məsələləri ətrafında fikir mübadiləsi aparılıb.
MÜƏLLİFLƏ ƏLAQƏ
Bölmənin digər xəbərləri
- 28.06.2024 [17:39]
“Qəbələ” klubu növbəti futbolçu transferini açıqlayıb
- 28.06.2024 [17:20]
Azərbaycanlı UEFA nümayəndəsi Çempionlar Liqasının oyununda
- 28.06.2024 [16:30]
Azərbaycanlı futbolçu Türkiyə klubundan ayrılıb
- 28.06.2024 [15:13]
Asim Xudiyev Konfrans Liqasının oyununa təyinat alıb
- 28.06.2024 [14:54]
Azərbaycan millisinin baş məşqçisi klubundan ayrılıb
- 28.06.2024 [14:31]