Azərbaycanın İtaliyadakı səfirliyi Xocalı faciəsinin 19-cu ildönümü ilə bağlı tədbir keçirmişdir
Bakı, 25 fevral (AZƏRTAC). Fevralın 24-də İtaliyanın Busto Qarolfo şəhərində Azərbaycanın İtaliyadakı səfirliyinin dəstəyi və Azərbaycan Mədəniyyət Assosiasiyasının təşkilatçılığı ilə Xocalı soyqırımının 19-cu ildönümü ilə bağlı anma mərasimi keçirilmişdir.
Səfirlikdən AZƏRTAC-a bildirmişlər ki, mərasimdə səfirliyin əməkdaşları, İtaliyada yaşayan azərbaycanlılar, həmçinin yerli ictimaiyyətin nümayəndələri iştirak etmişlər. Mərasim iştirakçılarına Xocalı soyqırımı haqqında geniş məlumat verilmiş, dəhşətli faciə ilə bağlı video materiallar nümayiş etdirilmişdir. Tədbirdə, həmçinin italiyalı gənclər tərəfindən Xocalı soyqırımına həsr edilmiş pantomim səhnəcik göstərilmişdir.
Bölmənin digər xəbərləri
