AZƏRBAYCANIN YENİYETMƏ FUTBOLÇULARI MOLDOVADA BEYNƏLXALQ TURNİRDƏ İŞTİRAK EDƏCƏKLƏR
AFFA-dan AZƏRTAC-a bildirmişlər ki, Azərbaycanın yığma komandası (U-17) Moldovada təşkil olunacaq ənənəvi beynəlxalq turnirdə mübarizə aparacaqdır.
Moldova Futbol Federasiyasının təşkil etdiyi turnir iyunun 17-dən 21-dək keçiriləcəkdir. Avropa çempionatına hazırlıq məqsədi daşıyan “FA of Moldova Cup-2008” turnirində Azərbaycan futbolçularının rəqibləri hələ dəqiqləşməmişdir. Təşkilatçılar bununla bağlı yaxın günlərdə AFFA-ya məlumat verəcəklər.
Xatırladaq ki, U-17-nin Polşada keçiriləcək Avropa çempionatının qrup mərhələsindəki rəqibləri meydan sahibləri ilə bərabər, Bolqarıstan və Çernoqoriya komandaları olacaqlar.
Bölmənin digər xəbərləri
