“AZƏRLOTEREYA” DÖVLƏT BÜDCƏSİNƏ 800 MİLYON MANATDAN ARTIQ VƏSAİT KÖÇÜRMÜŞDÜR
“Azərlotereya” Açıq Tipli Səhmdar Cəmiyyətinin /ATSC/ sədri Cəmil Sultanov Azərbaycan Prezidenti Heydər Əliyevin Fərmanı ilə yaradılmış cəmiyyətin bir illik fəaliyyətinə həsr olunmuş mətbuat konfransında bildirmişdir ki, “Azərlotereya” dövlət büdcəsinə 800 milyon manatdan çox vəsait köçürmüşdür.
“Azərlotereya” ATSC bu dövr ərzində üç klassik lotereya tirajı və səkkiz “Ailə sevinci” lotereya tirajı keçirmişdir. Səhmdar Cəmiyyəti sədrinin dediyinə görə, ATSC bu il yeni lotereya tirajının oynanılmasına başlayacaqdır. Cari ildə ATSC-nin dövriyyəsi təxminən 9 milyard manat olmuşdur. Səhmdar Cəmiyyəti respublikanın bəzi rayonlarında da öz şöbələrini açmaq niyyətindədir.
Qiymətli Kağızlar üzrə Dövlət Komitəsinin sədri Heydər Babayev mətbuat konfransında bildirmişdir ki, onun rəhbərlik etdiyi təşkilat vətəndaşların hüquqlarının və qanuni mənafelərinin qorunmasını, lotereya tirajlarının keçirilməsindən Dövlət büdcəsinə daxil olmaların daha da artırılmasını və lotereya fəaliyyəti sahəsində dövlət nəzarətinin gücləndirilməsini təmin etmək məqsədi ilə ardıcıl iş aparır.
Bölmənin digər xəbərləri
