“Azərneftyağ” neft emalı zavodunun ərazisində ekoloji layihələr uğurla davam etdirilir
Bakı, 19 aprel (AZƏRTAC). Azərbaycan Respublikası Dövlət Neft Şirkətinin (ARDNŞ) “Ekol Mühəndislik Xidmətləri” Qapalı Səhmdar Cəmiyyətinin tullantıların emalı departamentinin 7-ci sahəsinin kollektivi “Azərneftyağ” neft emalı zavodunun ərazisindəki ekoloji layihələri uğurla davam etdirir.
QSC-dən AZƏRTAC-a bildirmişlər ki, qarşıda duran əsas vəzifə zavodun ərazisində əsas çirklənmə mənbələri uzun illər yığılıb qalmış, eləcə də texnoloji proseslər nəticəsində formalaşan neftşlamın emal edilərək zərərsizləşdirilməsi və sənaye-çirkab sularının təmizlənməsidir. Departamentin 7-ci sahəsində il ərzində, orta hesabla 11 milyon kubmetrə qədər sənaye çirkab suları təmizlənir, 10 min tondan çox neftşlam isə emal edilərək zərərsizləşdirilir ki, bu da zavod ərazisinin ekoloji vəziyyətinin yaxşılaşmasına öz müsbət təsirini göstərir.
Departamentin 7-ci sahənin kollektivi tullantıların idarəolunması, xidmət sahələrində texnoloji proseslərin fasiləsizliyinin təmin edilməsi və keyfiyyətin yaxşılaşdırılması məqsədilə, qurğu və avadanlıqların saz vəziyyətdə işləməsi, həmçinin texnoloji reqlamentə dəqiq əməl olunması sahəsində mütəmadi olaraq məqsədyönlü tədbirlər həyata keçirir.
Cari ilin müvafiq dövründə də bu sahədə zəruri işlər yerinə yetirilmişdir.
Bölmənin digər xəbərləri
