“Azəryol” klubu CEV kuboku yarışlarının dörddəbir final mərhələsində ilk oyununu keçirəcək
Bakı, 11 fevral, AZƏRTAC
Bu gün Bakının qadınlardan ibarət “Azəryol” klubu Avropa Voleybol Konfederasiyası (CEV) kuboku yarışlarının dörddəbir final mərhələsində ilk oyununa çıxacaq.
AZƏRTAC xəbər verir ki, təmsilçimizin rəqibi İtaliyanın “Novara” klubu olacaq. Azərbaycan Voleybol Mərkəzində keçiriləcək qarşılaşmaya saat 18:00-da start veriləcək. Görüşün hakimləri almaniyalı Munir Fəttah və rusiyalı İqor Porvaznik olacaq.
Cütlüyün qalibi yarımfinalda “Dinamo” (Krasnodar, Rusiya)-“Ştutqart” (Almaniya) duelində qələbə qazanan komanda ilə üz-üzə gələcək.
Bölmənin digər xəbərləri
