Birjanın informasiya-analitik şöbəsindən AZƏRTAC-ın müxbirinə bildirmişlər ki, səhər keçirilmiş səsli hərracların yekunlarına görə bağlanmış əqdlərin həcmi 750 min dollar təşkil etmişdir. Hərrac sessiyasının açılış məzənnəsi 1 ABŞ dolları üçün 4931 manat olmuşdur. Təklif 800 min dollar və tələb 750 min dollar olduğu halda manatın məzənnəsi 1 bənd qalxaraq, 1 dollar üçün 4930 manat təşkil etmişdir.

Elektron hərraclarının birja sistemində (BEST) bank sifarişlərində ABŞ valyutasının qiyməti 1 USD üçün 4930 manat həddində idi. BEST-də USDAZM T+0 aləti üzrə 1 milyon 900 min ABŞ dollarına bərabər həcm qeydə alınmışdır ki, bu da manat ekvivalenti ilə 9,367 milyarddır. Bir əqdə, orta hesabla, 172 727 dollar düşmüşdür.

Tələb olmadığından dilerlər USD/AZM T+1 və T+2 alətləri üzrə əqd bağlamamışlar.

BEST-də banklar RUR/AZM TOM aləti üzrə 1 RUR üçün 173,34 manat məzənnə ilə, ümumən, 2 milyon 250 min rubl məbləğində əqd bağlanmışdır.

BEST-də banklar AVR/AZM alətləri üzrə sifariş verməmişlər.

BEST sistemi çərçivəsində fəaliyyət göstərən banklararası kredit bazarında banklar, ümumən, 8,387 milyard manat məbləğində kredit

cəlb etmək və yerləşdirmək üçün sifarişlər vermişlər.

Martın 15-də illik 10 faizlə 1 milyard 800 milyon manat borc götürülməsinə dair banklararası əqd qeydiyyata alınmışdır. Kreditləşdirmə müddəti 16 gündür.