BAKI BƏLƏDİYYƏ TEATRI YENİ MÖVSÜMÜ AÇMIŞDIR
Teatrın direktoru və bədii rəhbəri, xalq artisti Amaliya Pənahova əvvəlcə teatrsevərləri əlamətdar gün münasibətilə təbrik etmiş, böyük Azərbaycan dramaturqu C.Məmmədquluzadənin “Ölülər” pyesinin bütün zamanlarda aktual olduğunu diqqətə çatdırmış, əsərin yeni quruluşda səhnə təcəssümünün məziyyətlərindən danışmışdır.
Amaliya Pənahova Bələdiyyə Teatrının yeni mövsümdə repertuarı barədə məlumat vermiş, yaradıcı truppanın qastrol səfərlərindən söz açmışdır.
Əməkdar incəsənət xadimi Oruc Qurbanovun quruluş verdiyi tamaşada İsgəndər rolunu gənc aktyor Elxan Rzayev, Nazlını Arzu Şuşanova, Şeyx Nəsrullahı əməkdar artist Azad Şükürov ifa etmişlər.
Milli Məclis sədrinin birinci müavini Ziyafət Əsgərovun, deputatların, tanınmış mədəniyyət və incəsənət xadimlərinin olduğu tamaşa anşlaqla keçmişdir.
Bölmənin digər xəbərləri
