BAKI ŞƏHƏR GƏNCLƏR VƏ İDMAN BAŞ İDARƏSİ NEFT DAŞLARINDA ÇALIŞAN İŞÇİLƏRİ MÜKAFATLANDIRMIŞDIR
Bakı, 18 sentyabr (AZƏRTAC). Neft Daşlarının 60 illik yubileyi və “Əsrin Müqaviləsi”nin 15 illiyi münasibətilə Bakı şəhər Gənclər və İdman Baş İdarəsi tərəfindən bir qrup gəncin Neft Daşlarına ekskursiyası təşkil olunmuşdur.
Bakı şəhər Gənclər və İdman Baş İdarəsinin, Azərbaycan Dövlət Neft Şirkətinin, YAP Gənclər Birliyinin və “İrəli” İctimai Birliyinin təşkilatçılığı keçirilən səfər zamanı gənclər neftçilərin məişət və iş şəraitləri, tibb məntəqələri, mədəniyyət evi, futbol və voleybol stadionu ilə tanış olmuşlar.
Neftçilər qarşısında çıxış edən BŞGİBİ-nin rəisi Raqif Abbasov yubiley münasibətilə fəhlələri təbrik edərək demişdir: “Sizin əməyiniz sayəsində bizim evlər daim isti olur. Siz Vətən üçün, xalq üçün çalışırsınız. Buna görə də fəaliyyətiniz bugünkü gənclər üçün ən yaxşı nümunədir”.
Sonda Bakı şəhər Gənclər və İdman Baş İdarəsi tərəfindən neftçilərin peşə bayramı münasibətilə xidmətində fərqləndiyinə görə bir qrup neftçi müvafiq dərəcəli diplomlar və xatirə hədiyyələri ilə təltif olundular.
######
 |
 |
Bölmənin digər xəbərləri
