Bakıda və Abşeron yarımadasında temperatur 27 dərəcəyədək yüksələcək
Bakı, 14 mart, AZƏRTAC
Yaxın günlərdə ölkə ərazisində havanın temperaturu daha da yüksələcək. Səhər və axşam saatlarında dumanlı hava şəraiti davam edəcək.
Bu barədə AZƏRTAC-a Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova məlumat verib.
O qeyd edib ki, növbəti həftənin ilk günlərində - martın 17-18-də havanın temperaturu yüksələrək Bakıda və Abşeron yarımadasında 22-27, Aran rayonlarında 25-30, dağlıq rayonlarda isə 18-23 dərəcə isti olacaq.
Bölmənin digər xəbərləri
