Bakıya və Abşeron yarımadasına 59 millimetrədək yağıntı düşüb
Bakı, 4 oktyabr, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi oktyabrın 3-ü gündüzdən 4-ü səhərədək ölkə ərazisində qeyri-sabit hava şəraiti davam edib, arabir yağış yağıb, bəzi yerlərdə leysan xarakterli, intensiv olub, yüksək dağlıq ərazilərdə qar yağıb.
Departamentdən AZƏRTAC-a verilən xəbərə görə, düşən yağıntının miqdarı Bakıda və Abşeron yarımadasında 8-59, Lənkəran-Astara zonasında 22-91, Böyük Qafqazda 4-20, Mərkəzi Aran rayonlarında 3-18, Kiçik Qafqazda 9-27, Qazax-Gəncə bölgəsində 2-9, Naxçıvan Muxtar Respublikasında 3-15 millimetr olub.
Qar örtüyünün hündürlüyü Qubanın Xınalıq kəndində 13, Qusarın Ləzə kəndində 3, Lerik rayonunun dağlıq ərazilərində 10-20 santimetr təşkil edib.
Bölmənin digər xəbərləri
