“Barkom-Kajani” – ACH voleybol oyununu azərbaycanlı hakim idarə edəcək
Bakı, 18 oktyabr, AZƏRTAC
Beynəlxalq dərəcəli hakim Fikrət Axundov kişi voleybolçulardan ibarət Çağırış kuboku yarışlarına təyinat alıb.
AZƏRTAC xəbər verir ki, o, turnirin 1/16 final mərhələsinin cavab oyunları çərçivəsində “Barkom-Kajani” (Ukrayna) və ACH (Slovakiya) klubları arasında keçiriləcək görüşdə əsas hakim funksiyasını yerinə yetirəcək. Matçın ikinci hakimi belaruslu Vladimir Kukaşinov olacaq.
Görüş dekabrın 8-də Ukraynanın Lvov şəhərində keçiriləcək.
Komandalar arasında ilk oyun dekabrın 1-də Sloveniyada təşkil olunacaq.
Bölmənin digər xəbərləri
