Basketbol üzrə Azərbaycan millisi və “Neftçi”nin oyunlarının təqvimi açıqlanıb
Bakı, 25 avqust, AZƏRTAC
Macarıstanın Debretsen şəhərində 27-28 avqust tarixlərində 12 komandanın iştirakı ilə 3x3 basketbol üzrə Dünya Qadın Seriyasının 20-ci mərhələsi baş tutacaq.
Azərbaycan Basketbol Federasiyasından AZƏRTAC-a verilən məlumata görə, bu mərhələdə iştirak edəcək qadınlardan ibarət millimiz D qrupunda "Düsseldorf Zoos" (Almaniya) və "Qyor" (Macarıstan) klubları ilə qarşılaşacaq.
Təmsilçimiz “Neftçi” isə B qrupunda ABŞ və Ukrayna yığmaları ilə mübarizə aparacaq.
Millimiz qrupdakı ilk oyununu avqustun 27-də Bakı vaxtı ilə saat 15:40-da "Düsseldorf Zoos" klubuna qarşı, “Neftçi” isə həmin gün Bakı vaxtı ilə saat 14:50-də Ukrayna seçməsinə qarşı keçirəcək.
Qeyd edək ki, qruplarda ilk iki yeri tutan komandalar 1/4 finala vəsiqə qazanacaqlar.
Bölmənin digər xəbərləri
