“Bavariya”nın sabiq prezidentinin məhkumluğuna vaxtından əvvəl xitam verilib
Bakı, 29 fevral, AZƏRTAC
Münxenin “Bavariya” klubunun sabiq prezidenti Uli Hoeness dustaq həyatını başa vurub.
AZƏRTAC Almaniyanın “Sport1” idman portalına istinadla xəbər verir ki, məhbus müddətinin yarısını çəkməklə vaxtından əvvəl azadlığa buraxılıb. Uli Hoeness 2014-cü il martın 14-də vergidən yayınmaqda günahkar bilinərək üç il altı ay müddətinə azadlıqdan məhrum edilmişdi. Ötən ilin noyabrında isə 64 yaşlı futbol funksioneri vaxtından tez azadlığa buraxılması ilə bağlı məhkəməyə müraciət edib. Nəticədə, onun bu xahişi qəbul edilib.
Münxen klubunda 27 il baş menecer vəzifəsində çalışan U.Hoeness Bundesliqa tarixinə ən gənc futbol funksioneri kimi düşüb.
Bölmənin digər xəbərləri
