BDU-nun əməkdaşları Ankara Universitetində təlim keçirlər
Bakı, 12 sentyabr, AZƏRTAC
Türkiyənin Ankara Universiteti tərəfindən Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin əməkdaşları üçün təlim proqramlarına start verilib.
BDU-dan AZƏRTAC-a bildirilib ki, təlim proqramları bu ali məktəb ilə Ankara Universiteti arasında 2022-ci il avqustun 16-da imzalanmış akademik əməkdaşlıq protokolu çərçivəsində reallaşdırılır. Təlimdə iştirak etmək üçün BDU-nun Tədqiqat, İnkişaf və İnnovasiyalar üzrə Mükəmməllik Mərkəzinin əməkdaşları Ankara Universitetinə ezam olunublar. Onlar Ankara Universitetinin “AgriGenomik” texnokəndində yeni nəsil sekvensləmə metodları ilə tanış olacaqlar.
BDU-nun Tədqiqat, İnkişaf və İnnovasiyalar üzrə Mükəmməllik Mərkəzinin nəzdində qurulacaq Sekvensləmə Mərkəzində çalışacaq əməkdaşlar üçün gələcəkdə də intensiv təlim proqramlarının keçirilməsi davam etdiriləcək.
Bölmənin digər xəbərləri
