BDU Rumıniyanın Alexandru İoan Cuza İasi Universiteti ilə əməkdaşlığı genişləndirir
Bakı, 28 iyul, AZƏRTAC
Bakı Dövlət Universiteti (BDU) ilə Rumıniyanın Alexandru İoan Cuza İasi Universiteti arasında “Erasmus” mübadilə protokolu imzalanıb.
Bu barədə AZƏRTAC-a BDU-dan məlumat verib.
Sənədi BDU-nun rektoru Elçin Babayev və Alexandru İoan Cuza İasi Universitetinin rektoru Tudorel Toader imzalayıblar. Müqavilə çərçivəsində bakalavr, magistr, tədqiqatçıların və akademik heyətin mübadiləsi nəzərdə tutulur.
Əsası 1860-cı ildə qoyulmuş Alexandru İoan Cuza İasi Universitetində 25 min tələbə təhsil alır. Universitetdə 15 fakültədə müxtəlif ixtisaslar üzrə kadr hazırlığı həyata keçirilir.
Bölmənin digər xəbərləri
