Belçikalı səyyah: Qarabağın inkişafı inanılmazdır, gələcəkdə təkrar ziyarət etmək istəyirəm
Xankəndi, 22 oktyabr, AZƏRTAC
Mən ailəmlə birlikdə Azərbaycana altı dəfə səfər etmişəm. İlk dəfə 1994-cü ildə ölkənizdə olmuşam. Xüsusilə 2021-ci ildən sonra Qarabağda baş verən inkişafı diqqətlə izləyirəm.
AZƏRTAC xəbər verir ki, bu sözləri jurnalistlərə açıqlamasında belçikalı səyyah Patrick Maselis söyləyib.
P.Maselis deyib ki, qısa müddət ərzində Qarabağda görülən bərpa və inkişaf işləri inanılmazdır: “Əvvəl tamamilə dağıdılmış ərazilər indi təkcə bərpa edilməyib, həm də əvvəllər olduğundan daha gözəl vəziyyətə gətirilib”.
Belçikalı qonaq gələcəkdə Qarabağa yenidən səfər etməyi planlaşdırdığını, xüsusilə infrastruktur tam hazır olduqdan sonra bölgənin turizm üçün daha əlçatan olacağını bildirib.
Bölmənin digər xəbərləri
