BƏRDƏ OLİMPİYA İDMAN KOMPLEKSİNİN TİKİNTİSİ BAŞA ÇATMIŞDIR
Bünövrəsi bir il bundan əvvəl qoyulmuş Bərdə Olimpiya İdman Kompleksinin tikintisi başa çatmışdır. Bu kompleks Azərbaycan Dövlət Neft Şirkətinin birinci vitse-prezidenti, Milli Məclisin deputatı, Milli Olimpiya Komitəsinin prezidenti İlham Əliyevin şəxsi təşəbbüsü ilə inşa olunmuşdur.
Dünya standartlarına cavab verən kompleksdə yüksək səviyyəli müxtəlif yarışlar keçirmək mümkün olacaqdır. Kompleksin ətrafında geniş və yaraşıqlı istirahət parkı da salınmışdır.
Bərdədə 30 mindən çox gənc idmanın müxtəlif növləri ilə məşğul olur. Yüzə qədər idman ustası, ustalığa namizəd rayonun idman şərəfini qoruyur.
Bölmənin digər xəbərləri
